24 
Kryetari i Lidhjes Demokratike të Kosovës (LDK), Lumir Abdixhiku, në një adresim publik ka thënë se janë deponuar 148 nënshkrime që kërkojnë mbajtjen e Kuvendit të LDK-së dhe shkarkimin e tij, duke u shprehur se nuk do ti ikë kësaj beteje.
“Gjithsesi unë do ta bëj detyrën time, nuk e kam kërkuar këtë betejë por nuk do ti iki. Do të dalë përballë me qetësinë që më jep e drejta, me dinjitetin që e kërkon përgjegjësia dhe me vendosmërinë për ta mbrojtur rrugën tonë. Siç kam bërë në tri Kuvende deri tani. Kam besim të plotë te njerëzit tanë..”, u shpreh Abdixhiku.
