21 
Presidenti i Barcelonës, Joan Laporta, ka bërë një deklaratë të fortë para finales së Kupës së Botës mes Spanjës dhe Argjentinës, duke shprehur bindjen se “Furia e Kuqe” ka ekip më cilësor dhe është favorite për trofeun.
“Spanja do ta fitojë finalen e Kupës së Botës. Ne kemi ekip më të mirë se Argjentina”, deklaroi Laporta.
Megjithatë, kreu i klubit katalanas theksoi se një rol të rëndësishëm do ta ketë edhe gjyqtari i finales.
“Nëse arbitri e merr ndeshjen nën kontroll, Spanja ka shanse më të mëdha për të fituar. Por arbitri duhet ta imponojë veten”, shtoi ai.
Deklarata e Laportës vjen vetëm pak ditë para finales së madhe mes Spanjës dhe Argjentinës, një përballje që pritet të jetë ndër më të ndjekurat dhe më të diskutuarat e këtij Botërori.
