Presidenti aktual i FIFA-s, Gianni Infantino, ka siguruar mbështetjen zyrtare të më shumë se 200 federatave kombëtare për t’u rizgjedhur në krye të qeverisë botërore të futbollit për një mandat të katërt, raporton The Guardian.
Kjo mbështetje vjen pavarësisht polemikave të fundit, përfshirë debatet që pasuan kartonin e kuq të Folarin Balogun gjatë Kupës së Botës.
Sipas raportit, vetëm një numër i vogël federatash evropiane nuk i janë bashkuar ende kësaj mbështetjeje. Gjermaniaështë vendi më i rëndësishëm që deri tani nuk ka dhënë përkrahje zyrtare për Infantinon.
Aktualisht, Infantino është kandidati i vetëm për zgjedhjet e ardhshme të FIFA-s. Megjithatë, disa federata kanë shprehur shqetësimin se kanë qenë nën presion nga brenda FIFA-s për ta mbështetur presidentin aktual.
Nëse rizgjidhet, Gianni Infantino do të nisë mandatin e tij të katërt në krye të FIFA-s, duke vazhduar drejtimin e organizatës që nga viti 2016.
