Grupi Parlamentar i Partisë Demokratike të Kosovës (PDK) ka njoftuar se të hënën, më 24 gusht, nga ora 11:00, do të jetë në sallën e Kuvendit të Kosovës, në vazhdën e kërkesës për vazhdimin e seancës konstituive dhe konstituimin e Kuvendit.
PDK ka bërë të ditur se i ka dërguar sërish kërkesë kryesuesit të seancës konstituive sipas moshës, Avni Dehari, që ta thërrasë vazhdimin e seancës në përputhje me Kushtetutën, aktgjykimet e Gjykatës Kushtetuese dhe Rregulloren e Kuvendit.
Përndryshe, krytetari i Lëvizjes Vetëvendosje Albin Kurti, në seancën e fundit kërkoi kohë për të propozuar kryeparlamentarin.
Ndaj kësaj qasjeje kanë reaguar nga PDK, duke thënë se është cenim i rendit kushtetues nga partia që drejton Kosovën që nga viti 2021.
Njoftimi i plotë:
Të nderuar përfaqësues të mediave,
Grupi Parlamentar i Partisë Demokratike të Kosovës do të jetë nesër, e hënë, 24 gusht, nga ora 11:00, në sallën e Kuvendit të Republikës së Kosovës, në vazhdën e kërkesës për vazhdimin e seancës konstituive dhe konstituimin e Kuvendit.
PDK i ka dërguar sërish kërkesë kryesuesit të seancës konstituive sipas moshës, z. Avni Dehari, që ta thërrasë vazhdimin e seancës në përputhje me Kushtetutën, aktgjykimet e Gjykatës Kushtetuese dhe Rregulloren e Kuvendit.
Koha: 11:00
Vendi: Salla e Kuvendit të Republikës së Kosovës
Ftojmë përfaqësuesit e mediave që ta përcjellin këtë ngjarje.
Ju mirëpresim!
