Dani Carvajal është shumë pranë një transferimi te Getafe, pasi mbrojtësi spanjoll është aktualisht lojtar i lirë pas largimit nga Real Madridi.
Sipas raportimeve të fundit që vijnë nga Spanja, palët janë në negociata dhe marrëveshja mund të konkretizohet në ditët e ardhshme, përcjell “Gazeta Express”.
34-vjeçari e sheh me interes mundësinë për të qëndruar në Madrid. Afërsia e Getafes me shtëpinë e tij është një prej faktorëve që e bën tërheqëse këtë zgjedhje, ndërsa Carvajal vlerëson edhe projektin sportiv të klubit.
Trajneri José Bordalás e ka luajtur një rol të rëndësishëm në negociata. Ai e ka kontaktuar personalisht Carvajalin për t’ia shpjeguar rolin që do ta kishte në skuadër dhe kjo qasje duket se e ka bindur ish-kapitenin e Real Madridit.
Megjithatë, ekziston ende një pengesë financiare. Getafe duhet ta gjejë një zgjidhje me La Ligën për kufirin e pagave, në mënyrë që të mundë ta regjistrojë Carvajalin.
Nëse ky problem zgjidhet, Carvajal mund të bëhet lojtar i Getafes brenda pak ditësh.
Mbrojtësi spanjoll u largua nga Real Madridi pas 23 vitesh në klub, 13 prej të cilave me ekipin e parë, ku i fitoi 27 trofe, përfshirë gjashtë Liga të Kampionëve.
