Bisedimet për paqe, Rutte: Gjithçka varet nga rusët, nëse janë të gatshëm të bashkëpunojnë

Sekretari i përgjithshëm i NATO-s, Mark Rutte, tha se ka pasur zhvillime pozitive gjatë bisedimeve të paqes mes Ukrainës dhe Rusisë në Abu Dabi.

Megjithatë, ai paralajmëroi se mbetet e paqartë nëse Rusia është vërtet e gatshme të angazhohet në negociatat për t’i dhënë fund luftës në Ukrainë.

“Gjithçka varet nga rusët, nëse janë të gatshëm të bashkëpunojnë”, tha Rutte, duke shtuar se Ukraina duhet të mbahet sa më e fortë që të jetë e mundur, ndërsa negociatat me Rusinë vazhdojnë, raportoi Reuters.