IKSHPK bën thirrje për vaksinimin e fëmijëve kundër fruthit: Mund të shkaktojë komplikime serioze, madje edhe vdekje

by Nexhat

Instituti Kombëtar i Shëndetësisë Publike të Kosovës, ka bërë thirrje për vaksinimin e fëmijëve kundër fruthit.

IKSHPK, ka deklaruar edhe se, fruthi, është një sëmundje shumë ngjitëse që shkaktohet nga një virus dhe mund të shkaktojë komplikime serioze, madje edhe vdekje.

banner

Postimi i plotë:

FRUTHI MUND TË PARANDALOHET!

Çfarë është fruthi?

Fruthi është një sëmundje shumë ngjitëse që shkaktohet nga një virus dhe mund të shkaktojë komplikime serioze, madje edhe vdekje.

Si përhapet?

Përhapet lehtësisht përmes ajrit kur personi i infektuar kollitet ose teshtin.
Një person me fruth mund ta përhapë virusin edhe para shfaqjes së simptomave.

Shenjat kryesore:

•Temperaturë e lartë

•Kollë

•Rrjedhje e hundës

•Sy të skuqur dhe të përlotur

•Skuqje e lëkurës, e cila zakonisht fillon në fytyrë në formë të pikave (pas veshëve) dhe përhapet në trup.

Pse është i rrezikshëm?

Fruthi mund të shkaktojë: pneumoni, encefalit, dehidrim, dëmtim të dëgjimit dhe verbim.

Fëmijët nën 5 vjeç janë veçanërisht të rrezikuar nga komplikimet.

MBRONI FËMIJËN TUAJ

Vaksina MMR është mbrojtja më e mirë kundër fruthit.

1 dozë → mbi 90% mbrojtje

2 doza → rreth 97–99% mbrojtje

Në Kosovë:

Doza e parë e vaksinës MMR jepet në moshën 12 muajshe       

Doza e dytë e vaksinës MMR jepet në moshën 5–6 vjeç

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy