Mauricio Pochettino nuk është i etur për një ribashkim me Neymarin te Chelsea.
Braziliani është vënë në shitje nga Paris Saint-Germain dhe raportimet në Francë mbrëmë e lidhin lojtarin me një lëvizje të bujshme në Stamford Bridge.
Besohet se PSG do të pranonte një ofertë prej 60 deri në 70 milionë euro.
Por, mësohet se Pochettino nuk dëshiron që Chelsea të lëvizë për 31-vjeçarin, raporton Evening Standard Sport.
Neymar fiton 650,000 euro në javë në PSG dhe një lëvizje për të nuk është financiarisht e qëndrueshme. Ekzistojnë gjithashtu shqetësime nëse ai është profili i duhur i lojtarit për kulturën dhe stilin e futbollit që Pochettino po përpiqet të zbatojë në klubin londinez.
Argjentinasi dhe Chelsea janë në linjë në strategjinë e tyre të transferimeve, e cila synon lojtarët më të rinj sesa superyjet.
