Sensacioni i Barcelonës, Marc Guiu është ftuar nga kombëtarja e Spanjës për Kupën e Botës U-17 që do të luhet në Indonezi nga data 10 nëntor deri më 2 dhjetor.
Marc Guiu, golashënuesi i fitores së Barcelonës ndaj Athletic Bilbao këtë të diel, sapo doli në fushë në ditën e debutimit me ekipin e parë ka fituar vëmendjen e gjithë botës.
Megjithatë, talenti spanjoll nuk do të mund t’i ndihmoj ekipit të Xavit për pothuajse një muaj.
Sulmuesi sensacional është përfshirë në listën e të thirrurve nga Jose Lana, trajneri i Spanjës U-17 për Kupën e Botës që do të luhet në Indonezi në muajin e ardhshëm.
Kupa e Botës për U-17 do të luhet nga 10 nëntor deri më 2 dhjetor.
https://twitter.com/SEFutbol/status/1716748995794460838?ref_src=twsrc%5Etfw%7Ctwcamp%5Etweetembed%7Ctwterm%5E1716748995794460838%7Ctwgr%5E9fcbefba5ff4e860397ecdfaa0b0fe299187e2ce%7Ctwcon%5Es1_&ref_url=https%3A%2F%2Ftelegrafi.com%2Fxavi-dhe-barcelona-mbesin-pa-sensacionin-marc-guiu-gjate-gjithe-nentorit%2F
Shkuarja për titullin e vetëm që i mungon Spanjës
Skuadra e Barçës ka plotë tetë lojtarë të ftuar në listën me 21 të thirrur, dyfishi i asaj të Real Madridit, në një ekip që do të përpiqet të arrijë të vetmin titull që i mungon kombëtares spanjolle.
Spanja ka qenë katër herë nën-kampione, në vitet 1991, 2003, 2007 dhe 2017, por asnjëherë kampione dhe kësaj radhe do të tentoj triumfin.
La Roja, e përfshirë në grupin B, do të përballet me Kanadanë më 10 nëntor, Malin tre ditë më vonë dhe Uzbekistanin në datën 16 nëntor.
