Gjyqtari Arthur Engoron, i cili po koordinon procesin civil për mashtrim kundër Donald Trump në Nju Jork, ka vendosur që ish-presidenti i Shteteve të Bashkuara të paguajë një gjobë prej 10 mijë dollarësh, për shkeljen e ndalimit të gjykatës për dhënien e komenteve apo deklaratave publike në lidhje me zyrtarët gjyqësorë dhe dëshmitarët.
Gjatë seancës, gjykatësi e thirri Trumpin në qëndrimin e dëshmitarit pas disa komenteve të ish-presidentit që “gjoja” ishin drejtuar ndaj një punonjësi të gjykatës.
Gjatë ditës, Trump u kishte thënë gazetarëve se Engoron ishte një “gjyqtar shumë partizan”. Komentet e tij pasuan një sulm të mëparshëm në mediat sociale kundër nëpunësit të gjykatësit në fillim të këtij muaji. Trump e mohoi në sallë që fjalët i drejtoheshin trupit gjykues, por Engoron e tha se shpjegimi ishte “jo i besueshëm” dhe e gjobiti atë me 10 mijë dollarë për një shkelje të përsëritur të urdhrit.
5 vite më parë avokati Michael Cohen iu kundërvu publikisht ish-Presidentit. Cohen nuk i hodhi sytë në drejtim të ish-Presidentit kur kaloi pranë tij për të dëshmuar kundër ish-shefit të tij. Trump u paraqit vullnetarisht në gjykatë për këtë dëshmi që pritej me shumë interes. Ai ka ndjekur tashmë 6 ditë seancash gjyqësore në Manhatan. Cohen, paraqitja e së cilit në gjykatë u shty javën e kaluar për shkak të një situate shëndetësore tha se është hera e parë që e shikon ish-presidentin prej 5 vitesh.
“Nuk është Donald Trump kundër Michael Cohen, apo Michael Cohen kundër Donald Trump”, tha zoti Cohen kur mbërriti në gjykatë. “Kjo ka të bëjë me llogaridhënien, thjesht dhe qartë”. Teksa shkonte drejt gjykatës, ish-Presidenti Trump vuri në dukje se Cohen bëri burg pasi pranoi fajësinë për evazion fiskal, për mashtrim të Kongresit dhe për shkelje të rregullave të financimit të fushatave elektorale.
“Ai është provuar se është gënjeshtar”, tha Trump, i cili pritet të dëshmojë më vonë në këtë proces gjyqësor. Pasi u ul në bankën e dëshmitarëve, Cohen filloi t’u përgjigjej pyetjeve për karrierën e tij dhe për dënimet penale që ka marrë.
Herë pas here, ish-Presidenti komunikonte me pëshpëritje me avokatët e tij dhe në momente të caktuara ndiqte me vëmendje të lartë
