Presidentin e parë të Kosovës, Ibrahim Rugovë, sot në përvjetortin e 18 të vdekjes, e ka kujtuar edhe ambasadori i Kroacisë në Finlandë dhe Estoni, Josip Buljeviq.
Bujleviq shkroi në “X” se pikërisht Rugova ishte lideri i duhur në kohën e duhur për Kosovën.
“Ibrahim Rugova ishte pikërisht ai lloj lideri që i duhej popullit të tij në ato kohë. Një vizionar karizmatik, një pacifist, por i palëkundur në parimet themelore. Lider i kapaciteteve globale”, shkroi ish-ministri kroat i Mbrojtjes.
“Sot kanë kaluar 18 vjet nga vdekja e tij dhe ai është shumë i munguar në Kosovë dhe në Europë”, shtoi Bujleviq.
Ibrahim Rugova was exactly the kind of leader his people needed in those times. A charismatic visionary, a pacifist, yet unyielding in basic principles. The leader of global capacities. Today, 18 years have passed since his death and he is greatly missed in Kosovo and in Europe. pic.twitter.com/MoPobbFpk5
— Josip Buljevic (@BuljevicJosip) January 21, 2024
