Hapen korridoret e reja ajrore që lidhin Kosovën e Shqipërinë, Liburn Aliu, Ministër i Infrastrukturës thotë se fluturimet shkurohen për 08-12 minuta.
Liburn Aliu, Ministër i Mjedisit, Planifikimit Hapësinor dhe Infrastrukturës, njofton se sot është mbajtur ceremonia zyrtare për hapjen e korridoreve të reja ajrore që lidhin Republikën e Kosovës dhe Republikën e Shqipërisë.
Në një postim në profilin e tij në Facebook, Aliu informon se shkurtimi i trajektoreve të fluturimeve për dhe nga Kosova përfshinë 08-12 minuta.
“Ulja e kostove të fluturimit jo vetëm që ndikon në uljen e shpenzimeve për linjat ajrore, por gjithashtu kontribuon në uljen e emetimit të gazrave serrë, duke shërbyer si një dëshmi e përkushtimit tonë ndaj mbrojtjes së mjedisit dhe përkrahjes së praktikave të qëndrueshme në fushën e aviacionit”, thekson ai tutje.
