Presidenti i Francës, Emmanuel Macron ka zhvilluar bisedë telefonike me kryeministrin e Kosovës, Albin Kurtin.
Sipas njoftimit të Presidencës franceze, Macron rikujtoi mbështetjen e palëkundur të Francës për pavarësinë dhe integrimin evropian të Kosovës
Ai nënvizoi përkushtimin e tij për dialogun ndërmjet Serbisë dhe Kosovës, në mbështetje të ndërmjetësimit evropian dhe bëri thirrje për zbatimin e plotë të marrëveshjeve Bruksel-Ohër.
Macron përshëndeti zbatimin e vendimit të Gjykatës Kushtetuese për Manastirin e Deçanit.
Megjithatë, ai nënvizoi rëndësinë që Franca i kushton, edhe në kontekstin e aplikimit të Kosovës për anëtarësim në Këshillin e Evropës, progresit të shpejtë dhe të pakthyeshëm në zbatimin nga autoritetet kosovare të Asociacionit të Komunave me shumicë serbe.
Presidenti francez po ashtu shprehu keqardhje për dështimin e votimit për revokimin e disa kryetarëve të komunave në veri të Kosovës
Ai kujtoi se mbeti i domosdoshëm organizimi i zgjedhjeve të reja sa më shpejt të jetë e mundur, me pjesëmarrjen e popullatës serbe.
https://twitter.com/Olivier_Guerot/status/1782837386663145902?ref_src=twsrc%5Etfw%7Ctwcamp%5Etweetembed%7Ctwterm%5E1782837386663145902%7Ctwgr%5E34ec28c6a6ec82ee29d4079c369320903cccd7f0%7Ctwcon%5Es1_&ref_url=https%3A%2F%2Ftelegrafi.com%2Fmacron-ia-konfirmon-kurtit-mbeshtetjen-per-kosoven-ne-kie-kerkon-formimin-e-asociacionit%2F
