Instituti Hidrometeorologjik i Kosovës ka bërë të ditur se gjatë kësaj jave në Kosovë do të mbajë mot me diell, dhe temperaturat maksimale do të arrijnë deri 28 gradë Celsius.
IHMK njofton se të hënën pritet të mbajë mot me diell dhe vranësira të shpërndara, ndërsa temperaturat do të sillen ndërmjet 12-15 dhe 25-28 gradë Celsius.
Do të fryjë erë e lehtë kryesisht nga drejtimi i juglindjes.
