Zelensky, “ndihma e lajmëruar do të shpëtojë miliona njerëz”
Kanadaja do të sigurojë 482 milionë dollarë të tjera ndihmë ushtarake për Kievin gjatë tre viteve të ardhshme dhe do të dërgojë trajnerë luftarakë F-16 për pilotë dhe mirëmbajtje.
Këtë e ka bërë të ditur kryeministri kanadez Justin Trudeau në Parlamentin në Otava gjatë vizitës së presidentit ukrainas Volodymyr Zelensky.
Ndihma e lajmeruar nga kryeministri synon të “shpëtojë miliona njerëz”, tha Zelensky duke folur në parlament në Otava në një seancë të përbashkët veçanërisht të mbushur me njerëz, ku u përshëndet me duartrokitje të forta.
“Jeta dhe drejtësia duhet të mbizotërojnë,” shtoi ai.
