Spitali Ushtarak i Beogradit, po pretendon se janë duke e trajtuar kriminelin, Milan Radojiçiq, i cili dyshohet të jetë plagosur në Banjskë, gjatë aktit terrorist ndaj Policisë së Kosovës.
Kështu ka deklaruar një operatore në cilësinë e këtij institucioni shëndetësor, e cila për Indeksonline dëgjohet të jep detaje, se Radojiçiq është i shtrirë për trajtim në repartin Trauma 2, përcjell Klankosova.
Gazetari: Ku është Radojiçiq?
Spitali Ushtarak i Beogradit: Ai [Milan Radojiçiq] është i shtrirë në repartin tjetër, Trauma 2.
Raportohet se operatorja e spitalit, me të kuptuar se gazetarët ishin nga Kosova, u ka bllokuar komunikimin.
Nëse një pretendim i tillë qëndron, atëherë Serbia po pranon se nënkryetari i Listës Serbe, ishte i përfshirë në aktin kriminal terrorist të së dielës në Kosovë.
Derisa kujtojmë që akoma nuk kemi një konfirmim zyrtar nga autoritetet vendase të sigurisë, apo nga ato serbe, se ai është plagosur.
