Daçiq: Kisha Ortodokse Serbe po lobon që Papa të jetë në anën e serbëve

by engel

Ministri i Punëve të Jashtme të Serbisë, Ivica Daçiq, tha se është e rëndësishme që Kisha Ortodokse Serbe (KPS) të punojë në marrëdhëniet me Vatikanin, sepse është në interesin e Serbisë që Papa të jetë në anën serbe. Ai përkujtoi se Kosova ka kohë që po i ushqen lidhjet joformale me Vatikanin.

“Mendoj se është koha që KPS-ja të punojë fillimisht për këtë”, tha Daçiq dhe kujtoi se ish-presidenti i Serbisë, Tomislav Nikoliq, e ftoi Papën në Serbi, por ftesa u anulua me kërkesë të disa peshkopëve.

banner

“A ka rëndësi për ne nëse Vatikani do ta njohë Kosovën apo jo… A do të bëjmë diçka apo do të vazhdojmë të jemi në llogore që nuk janë praktike për ne. Është në interesin tonë që Papa të jetë në anën tonë” tha ai.
Ai pohon se nuk ka rëndësi nëse Vatikani e njeh apo jo Kosovën, sepse dihet se sa pjesë e botës është nën ndikimin e Vatikanit. “Patriarku, peshkopët, Sinodi të gjithë duhet të reagojnë urgjentisht në lidhje me Selinë e Shenjtë, si dhe Akademinë Serbe të Shkencave dhe Arteve, me kolegët e tyre në mbarë botën, si dhe shoqatat sportive dhe gjithë të tjerët”, vuri në dukje ai.

Ai iu referua edhe shitjes amerikane të raketave antitank Javelin në Kosovë. Ai beson se kjo nuk i dërgon mesazh Serbisë, por se është pjesë e synimit afatgjatë për të ndihmuar pavarësinë e Kosovës, e cila filloi të zbatohej në vitet 1990.

Ai theksoi se Ushtria Çlirimtare e Kosovës ka marrë armatim nga shumë shtete: Gjermania, SHBA-ja, vendet islamike… “Ne kemi një problem më të thellë, këtu po flasim për interesat strategjike të pavarësisë së Kosovës, të cilat ne i kundërshtojmë. i mprehtë, i vendosur, i mençur dhe realist në rrethana ndërkombëtare”, tha Daçiq dhe shtoi se Serbia duhet të vazhdojë të armatoset.

Daçiq beson se është koha e fundit që Serbia të vendosë nëse Kosova është çështje e saj kombëtare apo jo. Ai ka konstatuar se Serbia nuk ka ndërmend të bëjë luftë, por po të donte – “Kosovën nuk do ta ndihmonin as edhe një milion shtiza”.

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy