Ukraina vazhdon të përgjojë raketat ruse çdo ditë, duke shpëtuar jetë të panumërta. Por aftësia e Ukrainës për të ruajtur mbrojtjen e saj kërkon më shumë furnizime dhe më shumë mbështetje: në vazhdën e sulmit të fundit rus, aleatët përsëritën sot se po rrisin ndihmën ushtarake për Ukrainën”,
Kështu tha Sekretari i Përgjithshëm i NATO-s, Jens Stoltenberg në mbyllje të Këshillit NATO-Ukrainë, të organizuar me kërkesë të Kievit, raporton Ansa, përcjell Informim.net.
“Ukraina vazhdon të përgjojë raketat ruse në baza ditore, duke shpëtuar jetë të panumërta, ne duhet të vazhdojmë t’i ofrojmë Ukrainës pajisjet dhe municionet që i nevojiten për t’u mbrojtur kundër pushtimit rus, shtoi ai .
Që nga fillimi i pushtimit aktual rus, aleatët kanë dhënë kontribute të paprecedentë në mbrojtjen e Ukrainës.
Në samitin e NATO-s në korrik, disa aleatë njoftuan se do të dërgojnë sisteme shtesë strategjike të mbrojtjes ajrore në Kiev, duke përfshirë më shumë bateri Patriot.
Aleatët ranë dakord gjithashtu se së bashku do të japin të paktën 40 miliardë euro ndihmë sigurie gjatë vitit të ardhshëm.
Ranë dakord që gjithashtu të koordinojnë ndihmën dhe trajnimin e sigurisë për Ukrainën, me një komandë të re të NATO-s që do të kujdeset për këto detyra që do të bëhen operacionale në shtator./Informim.net/
