Një burim i afërt me Hezbollahun thotë se gjatjë sulmit izraelit në periferi jugore të Bejrutit është vrarë Ibrahim Aqil, kreu i forcës elitare të Hezbollahut Al-Radwan.
Sipas Ministrisë së Shëndetësisë libaneze, bilanci i sulmit është rritur në tetë të vdekur dhe 59 të plagosur .
Sipas Haartez, Aqil kishte dalë sot nga spitali, pas plagosjes nga shpërthimi i bipersit të tij.
Sipas mediave ndërkombëtare, anëtarë të tjerë të njësisë elitare të Hezbollahut Radwan u vranë së bashku me komandantin e njësisë elitare teksa po mbanin një takim.
Sipas Sky News Arabia, numri dy i Forcave Quds të Gardianëve të Revolucionit Islamik të Iranit, Muhammad Reda Fallahzadeh, u vra gjithashtu në sulmin izraelit në periferi jugore të Bejrutit. E shkruan vetë transmetuesi në X. Lajmi ende nuk është konfirmuar nga burime të tjera.
Ibrahim Aqil ishte pjesë e Këshillit të Xhihadit, organit më të lartë ushtarak të Hezbollahut, shkruan Times of Israel, percjell Informim.net.
Ai kërkohej gjithashtu nga Shtetet e Bashkuara për rolin e tij në bombardimin e ndodhur në vitin 1983, në një kazermë të marinës në Bejrut dhe për drejtimin e marrjes së pengjeve amerikanë dhe gjermanë në Liban në vitet 1980.
I njohur si Tahsin (Tahseen), Aqil ishte anëtar i Këshillit të Xhihadit, organi më i lartë ushtarak i Hezbollahut, ndersa qeveria amerikane kishte vendosur prej vitesh një shpërblim prej 7 milionë dollarësh për të./Informim.net
