Presidentja e Komisionit Evropian, Ursula von der Leyen, ka zhvilluar një bisedë me Presidentin e Koresë së Jugut, Yoon Suk Yeol.
Në këtë takim ata diskutuan për sigurinë dhe mbrojtjen e vendeve, të shpallur në Samitin BE-Kore në maj të 2023 në Seul.
Von der Leyen u shpreh se fillimi i këtij bashkëpunimi është më në kohë se kurrë, pasi për herë të parë trupat e Koresë së Veriut po vendosen për të mbështetur luftën agresive të Rusisë.
Ndërkohë më tej Von der Leyen theksoi se dërgimi i ushtarëve të Koresë së Veriut në luftën kundër Ukrainës është një kërcënim për paqen botërore.
“Koreja e Veriut po ofron gjithashtu ndihmë gjithnjë e më vdekjeprurëse për Rusinë, e cila sinjalizon një përshkallëzim të rëndësishëm të luftës kundër Ukrainës dhe kërcënon paqen botërore”, tha presidentja e Komisionit Europian.
