Kandidati për kryeministër, njëherit kreu i Aleancës për Ardhmërinë e Kosovës, Ramush Haradinaj ka shpalosur programin për ndërtimim e tetë liqeneve akumuluese. Haradinaj tha se me ndërtimin e digave, do të zgjidhet problemi i furnizimit me ujë për njëqind vitet e ardhshme.
Tutje, ai ka treguar projketet që janë paraparë në Strategjinë shtetërore për Ujërat, hartuar gjatë qeverisjes Haradinaj.
Postimi i plotë:
8 liqej akumulues – zgjidhje shekullore për ujin e pijshëm
“Kosova Fituese” me ndërtimin e digave do të zgjidhë problemin e furnizimit me ujë për njëqind vitet e ardhshme. Jemi të vendosur ta bëjmë këtë zotim realitet, sepse është një detyrim ndaj Kosovës.
Programi ynë përfshin projektet që janë paraparë në Strategjinë shtetërore për Ujërat, hartuar gjatë qeverisjes Haradinaj:
- Ndërtimi i digës në lumin Lepenc në fshatin Firajë – furnizim me ujë për komunat Ferizaj, Kaçanik, Shtërpcë, Shtime dhe Lipjan.
- Ndërtimi i digës në lumin Manastircë, afër fshatit Reçan – furnizim me ujë për komunën e Prizrenit.
- Ndërtimi i digës në Dragaçinë – furnizim me ujë për komunën e Suharekës.
- Ndërtimi i digës në Lloqan – furnizim me ujë për komunën e Deçanit.
- Ndërtimi i digës së Pollatës – furnizim me ujë për komunat Prishtinë dhe Podujevë.
- Ndërtimi i digës së Kuqicës – furnizim me ujë për komunat Drenas dhe Skenderaj.
- Ndërtimi i digave të Kremenadës ose Desivojcës – furnizim me ujë për komunën e Kamenicës.
- Ndërtimi i digës në Shushë të Vitisë ose në Pogragjë të Gjilanit – Përmes studimit të fizibilitetit do të përcaktohet cila prej këtyre digave është më e përshtatshme për furnizimin me ujë të komunave Gjilan e Viti.
Përveç ujit të pijshëm, digat do të shërbejnë edhe për ujitjen e tokave bujqësore, prodhimin e energjisë përmes hidrocentraleve dhe zhvillimin e zonave rekreative.
Programi i koalicionit për Kosovën Fituese përmban konceptet inxhinierike të gatshme për zbatimin e këtyre projekteve.
