Ambasadori i Mbretërisë së Bashkuar në Kosovë, Jonathan Hargreaves, ka mirëpritur në Rezidencën Britanike një grup organizatash të shoqërisë civile për të diskutuar gjendjen e demokracisë në vend.
Ambasadori Hargreaves ka shprehur mirënjohje për përvojën dhe ekspertizën e OJQ-ve, duke vlerësuar rolin e tyre kyç në nxitjen e llogaridhënies politike.
Ai tutje ka theksuar rëndësinë e angazhimit të shoqërisë civile për të nxitur zgjidhjen e bllokimit politik dhe për formimin e një Kuvendi dhe qeverie të re që do të adresojnë çështje jetike për qytetarët e Kosovës.
“Ishte kënaqësi të prisja një grup OJQ-sh në Rezidencën Britanike për të diskutuar mbi demokracinë e Kosovës. Isha mirënjohës që mësova nga përvoja dhe ekspertiza e tyre. E admiroj angazhimin e shoqërisë civile me politikanët e Kosovës për t’i inkurajuar ata që të marrin përgjegjësi për të zgjidhur këtë bllokim në mënyrë që të formohet një Kuvend dhe një qeveri e re dhe të vazhdojnë me punët jetësore në interes të popullit të Kosovës”, ka shkruar ai.
