Deputeti i Lëvizjes Vetëvendosje, Artan Abrashi, ka deklaruar se subjekti i tij do t’i respektojë vendimet e Gjykatës Kushtetuese, por me një përjashtim të rëndësishëm.
Në një intervistë për RTV21, ai tha se nuk do ta pranojnë një vendim që, hipotetikisht, do t’i hiqte të drejtën subjektit të parë për të propozuar kryetarin e Kuvendit.
“Çfarëdo mase që parasheh Gjykata Kushtetuese për ne është e pranueshme, përveç nëse ajo zhbën vendimet e saj të mëparshme dhe ia kalon të drejtën për propozimin e kryetarit të Kuvendit subjektit të dytë. Kjo do të ishte një shkallmim i rendit kushtetues,” u shpreh Abrashi.
Vetëvendosje ka dalë si subjekti më i madh politik nga zgjedhjet e fundit dhe pretendon të drejtën për të propozuar kryetarin e Kuvendit, bazuar në praktikat e mëparshme kushtetuese.
