100 
Presidentja e Kosovës, Vjosa Osmani, ka përshëndetur marrëveshjen historike të paqes mes Azerbajxhanit dhe Armenisë, e ndërmjetësuar nga presidenti amerikan Donald Trump.
Në një postim në platformën X, Osmani e vlerësoi këtë ujdi si shembull të fuqisë së lidershipit amerikan në avancimin e paqes globale.
“Nën udhëheqjen e SHBA-së, bota është më e sigurt, më e fortë dhe më e begatë. Kosova është krenare që qëndron krah për krah me SHBA-në në avancimin e paqes në rajonin tonë dhe në nivel global,” – shkroi Osmani.
Azerbajxhani dhe Armenia kanë arritur marrëveshje për t’i dhënë fund konfliktit që ka zgjatur 35 vjet, duke shënuar një moment historik në marrëdhëniet mes dy vendeve.
