Presidenti i Shteteve të Bashkuara, Donald Trump, ka shpallur se Marina Amerikane do të bllokojë çdo anije që përpiqet të hyjë ose të dalë nga Ngushtica e Hormuzit, pas dështimit të bisedimeve të paqes me Iranin në Islamabad.
“Irani premtoi të hapte ngushticën e Hormuzit, dhe ata me vetëdije nuk arritën ta bënin këtë. Kjo shkaktoi ankth, dislokim dhe dhimbje për shumë njerëz dhe vende në të gjithë botën. Pas afër 20 orësh negociatash ka vetëm një gjë që ka rëndësi – irani nuk është i gatshëm të heqë dorë nga ambiciet e tij bërthamore! Askush që paguan një tarifë të paligjshme nuk do të ketë kalim të sigurt në det të hapur. Çdo iranian që qëllon ndaj nesh, ose ndaj anijeve paqësore, do të hidhet në erë”, shkroi Trump në Truth Social, shkruan rtsh.al, .
Ai shtoi se ka udhëzuar Marinën Amerikane të ndalojë çdo anije që ka paguar tarifë për Iranin dhe të shkatërrojë minat e vendosura nga Irani në ngushticë.
Trump lavdëroi përpjekjet e kryeministrit pakistanez Shehbaz Sharif dhe ekipit të tij për ndërmjetësimin e bisedimeve, por theksoi se “nuk ka rëndësi sa pika u ranë dakord, nëse çështja bërthamore mbetet e pazgjidhur.”
