Ultrasit e Milanit nuk janë aspak të kënaqur që Zlatan Ibrahimovići po merr më shumë kompetenca pas largimit të trajnerit dhe të gjithë stafit drejtues.
“Nxirreni edhe Ibran jashtë tani”, thonë ata.
Kanë qenë 24 orë shkatërruese për “Rossonerët”, të cilëve iu shuan shpresat për Ligën e Kampionëve pas humbjes tronditëse 2-1 në shtëpi ndaj Cagliarit.
Edhe një barazim do të kishte mjaftuar që Milani të kishte bilanc më të mirë direkt ndaj Comos dhe të rrëmbente vendin e katërt.
Ultrasit e Milanit kishin protestuar prej kohësh kundër Giorgio Furlanit, por deri në kapitullimin e mbrëmshëm ishin kryesisht pro qëndrimit të Allegrit dhe Tares.
Kjo ndryshoi sot, kur ata vendosën një pankartë të re jashtë selisë së “Casa Milan”.
“Askush nuk duhet të mbetet: Nxirreni edhe Ibran jashtë tani”, shkruante në pankartë.
Megjithatë, nuk duket shumë e mundshme që Gerry Cardinale të largojë edhe ish-lojtarin dhe këshilltarin special, pasi tashmë ka shkarkuar të gjithë stafin drejtues dhe teknik të klubit
