Pavarësisht humbjes ndaj Paris Saint-Germain në finalen e Champions League, festimet nuk do të ndalen në Londër.
Arsenal do të organizojë këtë të diel një paradë të madhe pranë stadiumit të tij për të festuar titullin e fituar në Premier League.
Sipas planit të klubit londinez, ceremonia do të nisë në orën 14:00 dhe do të përfshijë katër autobusë të hapur, me të cilët skuadrat dhe stafi do të përshëndesin mijëra tifozë përgjatë rrugës së paradës.
Në autobusin e parë do të udhëtojnë kampionët e Premier League, ndërsa në të dytin do të jetë stafi teknik dhe drejtuesit e klubit. Autobusi i tretë do t’i kushtohet ekipit të femrave të Arsenalit.
Një pjesë e tifozëve do të kenë gjithashtu mundësinë të jenë pjesë e festimeve, duke zënë vend në autobusin e katërt të paradës
