Komisioni për Transferimin dhe Avancimin e Prokurorëve të Shtetit, ka nisur intervistimin e kandidatëve për avacim në pozitën e prokurorit në Zyrën e Kryeprokurorit të Shtetit.
Në garë për dy pozita të tilla janë dy kandidatë, prokurorët: Veton Shabani dhe Ersan Qavolli, raporton “Betimi për Drejtësi“.
Kandidati i parë që po intervistohet është prokurori Qavolli.
Dy kandidatë për dy pozita të lira për prokuror në Zyrën e Kryeprokurorit të Shtetit, sot intervistimi
Prishtinë- Komisioni për Transferimin dhe Avancimin e Prokurorëve të Shtetit, ka bërë të ditur se për dy pozita që Këshilli Prokurorial i Kosovës i ka shpallur për avacim në pozitën e prokurorit në Zyrën e Kryeprokurorit të Shtetit, kanë aplikuar dy kandidatë.
Sipas njoftimit dy kandidatët janë
1. Veton Shabani- Prokuror në Prokurorinë Themelore në Ferizaj, Departamenti për Krime të Rënda, si dhe;
2. Ersan Qavolli- Prokuror në Prokurorinë Themelore në Pejë, Departamenti për Krime të Rënda.
Sipas njoftimit, intervistimi i kandidatëve bëhet sot më 7 shtator 2026 në sesionin e pasditës.
Komisioni ka ftuar të interesuarit për monitorim të procesit, andaj Instituti i Kosovës për Drejtësi i është përgjigjur pozitivisht ftesës.
Komisioni për Transferim dhe Avacim ka këtë përbërje: Zejnullah Gashi- kryesues i Komisionit, Elza Bajrami-Kastrati dhe Visar Krasniqi- anëtarë, Arlinda Muqa, Milot Krasniqi dhe Bahri Hyseni- anëtarë rezervë.
