Haxhiu ia jep fjalën sërish Simiqit: Ta tërhiqni deklaratën tuaj dhe ta bëni propozimin në përputhje me Kushtetutën

Kryetarja e Kuvendit, Albulena Haxhiu, ka thënë se deklarimi i deputetit të Listës Srpska, Igor Simiq, që tha se në “emër të popullit serb”, është në kundërshtim me Kushtetutën e Kosovës.

“Pas dhënies së fjalës nga radhët e komunitetit joshumicë serb, deputeti Simiq bëri një deklarim të papranueshëm. Ky deklarim është në kundërshtim me kushtetutën e Kosovës, popull serb ka në Serbi, Republika e Kosovës e ka popullin e Kosovës. Ta tërhiqni fjalën dhe ta bëni propozimin në përputhje me Kushtetutën”.