Deputeti i Listës Srpska, Igor Simiq, në fjalën që ia dha kryetarja e Kuvendit, Albulena Haxhiu, për ta tërhequr deklarimin që e bëri gjatë propozimit të bashkëpartiakut të tij, Sllavko Simiq, për nënkryetar të Kuvendit, ku tha “në emër të popullit serb”, i tha asaj se e “kupton lojën” e saj.
Haxhiu i kërkoi atij që të propozojë kandidatin e tyre për nënkryetar “sipas Kushtetutës”.
“Unë e kuptoj lojën që jeni duke e bërë. Ne paraqesim në emër të komunitetit serb në mënyrë të shkruar dhe ju e keni pranuar më 06.08 kërkesën tonë që e kemi bërë”.
Por, këtu Haxhiu ia ndërpreu fjalën.
“Jo fjalë të tjera, jo interpretime të tjera. Bëjeni propozimin”.
“Unë jam pjesëtar i popullit serb dhe atë çfarë kemi bërë më 06.08…”, tha Simiq, para se t’ia ndërpriste sërish fjalën Haxhiu.
Pas kësaj seanca u shty për të premten
