Erling Haaland dhe Norvegjia po kalonin një verë të jashtëzakonshme, pasi arritën deri në çerekfinale të Kupës së Botës 2026. Por tashmë realiteti është krejt tjetër.
Kombëtarja norvegjeze po përballet me një krizë serioze në repartin defensiv, më të rëndën në 43 vjet, pikërisht para përballjes së vështirë me Portugalinë në Porto në kuadër të Ligës së Kombeve.
Nën drejtimin e Ståle Solbakken, Norvegjia zhvilloi një Botëror mbresëlënës, duke i dhënë fund pritjes 28-vjeçare për një paraqitje në turneun më të madh të futbollit. Ecuria deri në çerekfinale ndezi një entuziazëm të madh në të gjithë vendin.
Edhe në Ligën e Kombeve, norvegjezët e nisën mirë, duke marrë rezultat pozitiv ndaj rivalëve skandinavë të Danimarkës.
Megjithatë, prej atëherë gjërat kanë marrë një kthesë të keqe. Norvegjia ka pësuar dy humbje radhazi ndaj Portugalisë dhe Uellsit, ndërsa problemet në prapavijë kanë ngritur alarmin para një tjetër përballjeje me portugezët.
Tashmë, Solbakken duhet të gjejë zgjidhje të shpejtë për problemet defensive, pasi përballë do të ketë një Portugali të mbushur me cilësi dhe me Cristiano Ronaldon në dispozicion.
Në anën tjetër, Haaland mbetet arma kryesore e Norvegjisë në tentativën për të dalë nga kjo krizë dhe për t’i dhënë fund serisë negative.
