Portieri i Villarrealit, Peter Gulacsi, përjetoi momente të tmerrshme të martën, çka shtyu që ai të mungojë në ndeshjen e sontme kundër Napolit.
Sipas gazetës “AS”, grabitës të armatosur e vunë në shënjestër Gulacsin në shtëpinë e tij në Monasterios (Puzol), në orët e para të së martës, ndërsa ai ndodhej me familjen e tij.
Askush nuk u lëndua. Megjithatë, incidenti shkaktoi shqetësim të madh.
I tronditur nga ajo që ndodhi, portieri nuk ka arritur të flejë siç duhet gjatë orëve të fundit dhe nuk ishte në dispozicion për ndeshjen e Ligës së Kampionëve kundër Napolit.
Villarreali konfirmoi se i ka njoftuar menjëherë autoritetet përkatëse dhe se po merr masat e nevojshme.
Prandaj, Luiz Junior ishte në portë sonte në stadiumin “La Ceramica”.
Braziliani ishte titullar në katër ndeshjet e para të kampionatit, përpara se trajneri t’ia besonte portën Gulacsit për ndeshjen e Ligës së Kampionëve kundër Borussia Dortmundit.
Që nga ajo kohë, portieri hungarez ka qenë zgjedhja e parë e trajnerit.
Ndërkohë, Villarreali sonte fitoi 3-1 ndaj Napolit
