E diela poetike me Ahmet Pllanen

by Nexhat

DODONA

Ngritje orakulli n’eter ngritje madhështore

banner

Me gjasë lindjet kanë marrë hov papritur

Si në Kodrën e Diellit perëndesha Dodonë

Kur vardiset jehona e maleve me yje ndritur.

*

Nuk ka se si ndryshe të lartësohet e bukura

Në legjendat e shqiponjave krahërrapllimë

Këndojnë Pellazgët qirren Ilirët me flatra

Mbi bjeshkë t’Baba Tomorrit qetësohej Dodona.

*

Në djepin e Dodonës flinte ëmbël ylli Aromba

Sikur në netët kur vdisnin nga shiu pa gjumë

Sa bukur shkëlqente Përmeti me lule të kuqe

Në atë pranverë me blerimin e lisave të gjatë.

*

Perënditë e panë dritën e bardhë me Dodonën

Njësoj si n’muajin maj kur bletët mbushin hojet

Pëllumbat e bardhë fluturuan lart mbi re qielli

Akrobacionet e tyre krijonin mrekulli prej dielli.

VARDISJE NË ZBRAZTËSI

Degdisje në qiell midis resh

Mbi re shiu rrotullohet lehtë

Yjet fundosen n’anije t’zbrazëta

Deti i përpinte si mos të ishin.

*

Rrezet e diellit nuk shihen askund

Erërat nuk prajnë mu si uragan

Mashtrimet trillimet kaplojnë si ethe

Pa ditur përse ndodhë ëndrra.

*
Dikush thuri këngë gjeli pa rimë

Duke u shfryrë kot në rrasa e rrashta

Lisin e fortë nuk e shkulin dot erërat

Degdisje midis resh pa pardon.

*
Eh medet si nuk kuptohet kënga e gjelit

Përdhosje humbëtirë lisi me gjemba e flatra

Kot përdalisje zukatje në re shiu

Retë e shiut dikush mëton t’i fus n’shportë.

*
Kot sorollaten sorrat maje lisi e fisi

Sa keq ndjehet mjegulla pa fanarë

Ethshëm gudulisen në veranda zogjtë

Si t’ishin çakej të kuq kot vardiset e kota.

*
Të përdalat përdalisen pa nam e nishan

Zogjtë lehin kot në vend të qenëve

Fodullët e vdekur nuk shohin para hunde

Nga jashtë vjen mordja për ëndërrën.

ETJA E UJIT FISNIKËRON

Etja merr rrugë n’krahë shtigjeve të motit

Si shpata e Skënderbeut Gjergj Kastriotit

Etja e ujit fisnikëron lagështirë nuk duron

Mornicat e pëllumbave vdesin me këngë.

*

Etja e ujit merr lumin mbarësinë

Kudo që gjendesh kudo që ndodhesh

I etur je si uji si etja për tokën

Nuk ngopet stërkeqja me dheun e huaj.

*

E merr ëndrrën e lakmisë me zili

Hudhet në det për t’shuar etjen

Nuk shuhet etja me zjarr as me top

Etja e ujit ngulfatje lisi pa gjemba.

*

Sa bukur thehet ëndrra me hop galop

Si çarje lisi fisi e plisi i bardhë nisi disi

Errësira u humb me etje uji n’ujëvarë

Lulet janë të bardha jo të kuqe si më parë.

BIOGRAFIA

Ahmet Pllana u lind në Bakshi të komunës së Obiliqit.Shkollën fillore e kreu në Muzakaj, kurse të mesmen dhe studimet për gjuhë dhe letërsi shqipe i kreu në Universitetin e Prishtinës.                              

Me shkrime letrare ka filluar të merret që nga mosha e re. Në vitet e ’70-ta ishte anëtar i Klubit Letrar “Lulëkuqet e Kosovës” në Obiliq. Në shkollën e mesme e themeloi dhe ishte kryetar i Grupit Letrar “Sami Frashëri”, kurse si student ishte anëtar i Klubit Letrar të Universitetit të Prishtinës. Ka qenw anwtar i Klubit Letrar “Lulwkuqet e Kosovws” dhe mw pas disa vite ka qenë anëtar i Shoqatës së Shkrimtarëve “Fahri Fazliu” në Kastriot. Kontribut ka dhwnw edhe nw Shoqatën për Kulturë “Plus Kult” në Fushë Kosovë.                                               

Vjersha e parë iu botua në “Pionieri” në vitin 1970, kurse në vitin 1971 botoi në “Jeta e Re”, “Zëri”, “Bota e Re”, “Rilindja”, etj. Ka botuar poezi dhe tregime në shumë revista dhe gazeta letrare në Kosovë, Shqipëri dhe Maqedoni të Veriut, ndwrsa disa tregime i janw botuar në gazetën letrare e kulturore “Nacional” që botohet në Tiranë. 

Ka punuar gazetar dhe redaktor në disa media të shkruara dhe elektronike në Kosovë, si në gazetat e përditshme “24 Orë”, “Koha Ditore”, Kosova Sot”, “Epoka e Re”, “Lajm”, në gazetën periodike të biznesit “Euro-Biznes” dhe në mediat elektronike, sikurse në “Kosovapress”, “TV News”, “Kosovapost”, redaktor në TV Kontakt në Tiranë, etj.                                                                                                               

Në vitin 2010 e botoi librin me poezi me titull “Kujtoj Mollën e Kuqe”. Deri më tani ka botuar këto libra:

  1. “Kujtoj Mollën e Kuqe”, poezi, 2010
  2. “Hëna fle mbi antenë”, për fëmijë, 2011
  3. 3. “Rrugëtimi i dritës”, poezi, 2012
  4. 4. “Dashuri e vetmi”, poezi, 2013
  5. 5. “Portreti në gjeth”, poezi, 2014
  6. 6. “Buzëqeshje vjeshte”, poezi, 2015
  7. 7. “Etja e ujit”, poezi, 2020
  8. 8. “Jeta i takon atij që fal”, tregime, 2021
  9. 9. Ribotim, “Kujtoj Mollën e Kuqe”, poezi, 2022
  10. 10. Ribotim, “Dashuri e vetmi”, poezi, 2022
  11. 11. ”Mrika”, vjersha për fëmijë, 2024
  12. 12. “Kitara e buzëqeshjeve”, për fëmijë, 2024
  13. 13. “Melodi shpirti”, poezi, 2025.

Për librat e poetit Ahmet Pllana kanë shkruar recensione gazetat ditore “Koha Ditore” nga Prof. dr. Muhamet Reçica për librin “Kujtoj Mollën e Kuqe”, ku e vlerësoi librin si art dhe si përmbajtje. Ndërsa, në gazetën “Kosova Sot” ka shkruar Milazim Kadriu, gjithashtu për librin “Kujtoj Mollën e Kuqe”, i cili e vlerësoi librin si art dhe si pwrmbajtje, siç shkruan Kadriu, janw  ‘poezi të fuqishme’. Shkrime për librat e poetit Ahmet Pllana ka edhe në mediat tjera ditore dhe periodike. Pllana ka dhënë shumë intervista në media, e sidomos në televizione, sikurse në ATV, TV 1, TV Malisheva, DTV, TV Jupiteri, TV Dodona, etj.    

Ahmet Pllana është anëtar i Lidhjes së Shkrimtarëve të Kosovës.






banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy