Njohja e lartë iu dha Daron Acemoglu, Simon Johnson dhe James A. Robinson për kërkimin e tyre mbi rëndësinë e institucioneve për prosperitetin e një vendi.
Çmimi Nobel për Ekonominë 2024 iu dha Daron Acemoglu (Shtetet e Bashkuara/Turqi), Simon Johnson (Britania e Madhe/Shtetet e Bashkuara) dhe James A. Robinson (Britania e Madhe/Shtetet e Bashkuara) për studimet e tyre mbi mënyrën se si “institucionet ato formojnë dhe ndikojnë prosperitet”.
Të tre japin mësim në Shtetet e Bashkuara.
“Zvogëlimi i diferencave të mëdha të të ardhurave ndërmjet vendeve është një nga sfidat më të mëdha të kohës sonë”, deklaroi Jakob Svensson, president i komitetit që jep çmimin e lartë, duke nënvizuar se “fituesit kanë treguar rëndësinë e institucioneve sociale” në ndjekje të kësaj sfide.
Acemoglu dhe Johnson punojnë të dy në Institutin e Teknologjisë në Masaçusets (MIT), ndërsa Robinson aktualisht është duke punuar për Universitetin e Çikagos. Çmimi që ata do të ndajnë është prej 920,000 eurosh.
