Prokuroria Themelore në Pejë ka ngritur aktakuzë ndaj të pandehurit E.L., për veprën penale “vrasje e rëndë”.
Sipas aktakuzës, i pandehuri më 16 prill të këtij viti në orën 08:00 të mëngjesit, e kishte vrarë bashkëshorten e tij Gj.U., me armë zjarri. Prokuroria tha se i pandehuri ka pasur konflikte të vazhdueshme me viktimën.
Ai ishte paraqitur në Stacionin Policor të Pejës duke i njoftuar zyrtarët policorë me fjalët “vrava gruan dhe dërgoje një patrullë të Policisë”.
I pandehuri akuzohet edhe për veprën mbajtje në pronësi, kontroll ose posedim i paautorizuar i armëve.
“Prokurori i çështjes me rastin e ngritjes se aktakuzës, i ka propozuar gjykatës që i pandehuri të shpallën fajtore dhe të dënohet sipas ligjit për veprat penale të cila i vihen në barrë”, thuhet në komunikatë.
