Ylli i Interit, Lautaro Martinez shënoi një gol spektakolar për Argjentinën kundër Perusë mbrëmë, duke barazuar numrin e golave të legjendës Diego Armando Maradona për La Seleccion.
Lautaro Martinez shënoi golin e tij të 32-të ndërkombëtar të martën mbrëma në një ndeshje kualifikuese të Kupës së Botës kundër Perusë.
Kjo do të thotë që ‘El Toro’ tani është golashënuesi i pestë më i mirë në vendin e tij, së bashku me legjendën e futbollit Maradona.
Më shumë kanë vetëm Hernan Crespo (35 gola), Sergio Aguero (42), Gabriel Omar Batistuta (54) dhe Leo Messi (112 gola).
Lautaro gjeti rrjetën në minutën e 55-të me një gol mahnitës me gërshërë duke çmendur tifozët në Estadio Bombonera.
“Jam i lumtur sepse e gjithë familja ime erdhi këtu dhe unë gjithmonë dua të jap më të mirën time”, ka thënë fillimisht Lautaro për TyC Sports.
“Ky vit ishte vërtet shumë pozitiv dhe e mbyllëm me fitore”.
“Ishte një vit spektakolar për sa i përket paraqitjeve, golave dhe lojërave të luajtura. Dua të vazhdoj të luaj dhe të përmirësohem dita ditës”, përfundoi sulmuesi
