Basketbollistët e Kosovës pësuan një humbje të thellë në ndeshjen e tretë të parakualifikimeve për Kupën e Botës 2027, duke u mposhtur nga Zvicra me rezultat 75:43.
Kosova pati një paraqitje të mirë në çerekun e parë, por nuk arriti të përmbysë disavantazhin në pjesën tjetër të lojës.
Në pushim, Zvicra shkoi me epërsinë e thellë 36:18.
Gëzim Morina ishte lojtari më i dalluar për Kosovën me 8 pikë, 8 kërcime dhe 4 asistime.
Mikaile Tmusic shtoi 9 pikë, ndërsa asnjë lojtar i Kosovës nuk arriti pikë dyshifrore.
Ndërkohë, për Zvicrën, Boris Mbala shënoi 15 pikë, ndërsa Selim Fofana dhe Jonathan Kazadi kontribuuan me nga 14 pikë.
Kosova kishte mundur Irlandën 83:76 në ndeshjen e parë dhe ishte mposhtur nga Azerbajxhani 87:77.
Kosova do të përballet me Irlandën më 24 nëntor në Dublin, ndërsa Zvicra do të luajë kundër Azerbajxhanit në Baku
