Ish-Sekretari amerikan i Shtetit, John Kerry në administratën e Barack Obama tha se “fusha bazë e lojës për të bërë paqe në Ukrainë është aty” derisa ka komentuar përpjekjet e Trump, por ka hedhur poshtë deklaratat e Presidentit amerikan se Ukraina ishte përgjegjëse për fillimin e luftës me Rusinë.
Derisa kritikoi komentet e Sekretarit amerikan të Mbrojtjes Pete Hegseth në NATO, i cili tha se çlirimi i plotë i Ukrainës nuk është realist, Kerry këmbënguli se Trump “po përpiqet të gjejë paqe”, edhe nëse “mund të mos jetë mënyra në të cilën ju ose unë do të zgjidhnim për procesin”.
Po ashtu, ai quajti gënjeshtra arsyetimet e presidentit rus Vladimir Putin se pse e pushtoi Ukrainën, shkruan The Guardian,
Duke folur në një konferencë në Londër, Kerry, një demokrat që shërbeu si Sekretar i Shtetit në Administratën e Barack Obamës, tha se Putin “vendosi individualisht, ndryshe nga ajo që e tha Trump dje, për të pushtuar Ukrainën”.
“Ai [Putin] tha se motive të ndryshme u shprehën në periudha të ndryshme, se ishin nazistët që po merrnin vendin dhe se ai duhej të hynte për të çrrënjosur nazistët. Epo, njerëz. Dua të them, ajo gënjeshtër është vërtetuar. Ka kaq shumë gënjeshtra”.
Kerry u ankua se “nuk ka asnjë sistem, për fat të keq, me të cilin Putini që i përgjigjet dikujt”, me “një bllokim të plotë” të komunikimit, strukturës qeverisëse në Rusi.
“Dua të them, ne pamë se çfarë ndodhi me [Alexei] Navalny dhe të tjerë, shumë të tjerë, [Boris] Nemtsov, do të thotë, ka shumë njerëz që sapo u zhdukën”, tha ai.
“Të gjithë e dinë se çfarë po ndodh, kështu që përgjigjja është, po, kjo është e keqe”, tha ai.
Ai argumentoi se sipas tij “fusha bazë e lojës për të bërë paqe në Ukrainë” ekziston.
“Dhe pse e them këtë? Sepse unë mendoj se të gjitha palët duhet t’i japin fund luftës. Dhe pyetja është, a mund të jeni mjaft të zgjuar, mjaftueshëm të shkathët për të mbledhur përbërësit, të cilët duhet të bëhen në heshtje dhe privatisht, jo me publikime ditore se kush çfarë kërkon dhe çfarë bën? Kjo nuk është mënyra për të ndikuar vërtet në diplomacinë në të mirë të paqes, sepse ju duhet të keni një kompromis dhe duhet të keni kapacitetin për atë kompromis” theksoi ai.
