Presidenti ukrainas Volodymyr Zelensky, ka dhënë më shumë detaje se si kanë vazhduar bisedimet me ekipin amerikan në Jeddah gjatë ditës.
Zelensky nuk ishte i pranishëm në bisedime – në vend të kësaj Ukraina u përfaqësua nga shefi i zyrës së Zelensky Andriy Yermak, këshilltari i vendit për sigurinë kombëtare dhe disa ministra të jashtëm dhe të mbrojtjes.
Në fjalimin e tij me video të martën vonë, Zelensky thotë se propozimi i Ukrainës për këtë takim përbëhej nga tre pika: “Armëpushimi nga ajri dhe deti… lirimi i të burgosurve… dhe kthimi i fëmijëve ukrainas që u dërguan në Rusi”.
Ai shton se “kishte një propozim specifikisht nga pala amerikane që menjëherë të hidhej hapi i parë përtej kësaj dhe të përpiqej të vendosej një armëpushim i plotë për 30 ditë” përgjatë gjithë vijës së frontit.
“Ukraina e pranon këtë propozim, ne e konsiderojmë pozitiv, ne jemi të gatshëm të ndërmarrim këtë hap”, tha Zelensky, duke theksuar përsëri se SHBA-ja tani “duhet të bindë Rusinë për ta bërë këtë”, ka rapportuar BBC, transmeton Informim.net
