Mbyllen ndeshjet e javës së 25-të në Superligën e Kosovës: Gabojnë Drita dhe Malisheva, Ballkani kthehet te fitoret, Suhareka futet në zonën e rënies 

by Nexhat

Janë mbyllur të gjitha ndeshjet e javës së 25-të në Superligën e Kosovës, ku kanë dominuar barazimet, ndërsa mysafirët nuk arritën të marrin fitore. 

Ballkani është kthyer te fitorja, duke mposhtur Ferizajn me rezultat 2-1, ndërsa fitore morri edhe Llapi që mposhti Suharekën me rezultat 2-0. 

banner

Gjilani dhe Prishtina u pajtuan me një barazim, që nuk i hyri asnjërës në punë, pasi dhe Malisheva ka barazuar ndaj Feronikeli 74 (0-0). 

Në barazim është mbyllur edhe ndeshja mes Dukagjinit dhe Dritës me rezultat 1-1. 

Drita mbetet lider me 54 pikë, që vazhdon të ndiqet nga Ballkani që ka 43 pikë.  

Malisheva me barazimin e sotëm është në vendin e tretë me 41 pikë. Gjilani është i katërti me 35 pikë, duke u ndjekur nga Prishtina, Ferizaj dhe Dukagjini që kanë nga 32 pikë

Llapi tani është në zonën e barazhit me 29 pikë, pasi mposhti rivalin direkt Suharekën që po ashtu ka 29 pikë në vendin e nëntë. 

Në vendin e fundit është Feronikeli 74, që ka 14 pikë, por nuk po dorëzohet, duke treguar ngritje të fortës më pranverë. 

Në javën e 26-të takohen: Ferizaj – Dukagjini, Prishtina – Feronikeli 74, Drita-Gjilani, Llapi – Ballkani, Suhareka – Malisheva.

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy