Shtatë persona kanë rënë në pranga operacionin e së hënës në Komunën e Kaçanikut, lidhur me vrasjen e rreshterit policor Muhamed Lika.
Siç u raportua në media, në pranga kanë rënë Rejhan Bela, përreth 18-vjeçar , Haki Bela, përreth 26 vjeçar dhe Rilind Murati, përreth 22 vjeçar
Haki Bela dhe Rilind Murati janë ekspozuar disa herë në TikTok, duke ligjëruar çështje mbi islamin.
Në një profil të famshëm në rrjetin social, të ashtuquajtur “Rinia Islame Kaçanik”, Bela dhe Murati shihen teksa ligjerojnë për çështje fetare, raporton Gazeta Insajderi.
Në këtë faqe janë shpërfaqur edhe përmbajtje të disa hoxhallarëve.
Kujtojmë se me të njëjtin emër, “Rinia Islame”, Lavdrim Muhaxheri kishte një shoqatë përmes së cilit kishte krijuar një rrjet ekstrem për pjesëmarrje në luftëra të huaja.
Drejtori i Përgjithshëm i Policisë së Kosovës, Gazmend Hoxha, ka bërë të ditur se disa nga të arrestuarit janë të përfshirë në rastin e djegies së Gjykatës së Kaçanikut, rast ky i ndodhur në mars të 2024-ës.
