23 
Akil Gjakova është ndalur në çerekfinale të Kampionatit Evropian të xhudos, i cili po mbahet në Podgoricë të Malit të Zi.
Garuesi kosovar u mposht nga gjeorgjiani Lasha Shavdatuashvili në një meç maratonik, shkruan “Gazeta Express”.
Sidoqoftë, përkundër humbjes, Akili do ta ketë një tjetër rast.
Ai do ta kërkojë medaljen përmes repesazhit, ku fillimisht do të përballet me hungarezin Daniel Szegedi
Gjakova e kishte kaluar rrethin e parë në kategorinë deri në 73 kilogramë pa luftë, ndërsa në atë të dytë e mposhti francezin Maxime Gobert.
Në xhiron e tretë, ai fitoi kundër moldavit Victor Sterpu, për t’u ndalur më pas në çerekfinale.
Megjithatë, Akili do ta synojë të paktën medaljen e bronztë të Evropianit nëse tregohet i suksesshëm në repesazh.
