Florent Muslija sipas të gjitha gjasave është duke i kaluar muajt e fundit në fanellën e Freiburgut.
Mediumi gjerman “Sky Sport Germany” siguron se ylli kosovar mund të largohet nga klubi gjerman gjatë verës që po vjen, .
Kontributi i përfaqësuesit kosovar nuk ka qenë i mjaftueshëm për t’i bindur drejtuesit e klubit që ta mbajnë atë.
Futbollisti ofanziv i ishte bashkuar Freiburgut në janarin e vitit 2024 nga Paderborni, ku e kishte një përvojë të jashtëzakonshme në Bundesliga 2.
Mirëpo, punët për të u vështirësuan në Bundesligë, ku e kishte vështirë të kishte vazhdimësi të formës dhe rrjedhimisht edhe të minutave në këmbët e tij.
26-vjeçari i ka zhvilluar vetëm nëntë ndeshje në elitën e futbollit gjerman duke u inkuadruar në lojë kryesisht si zëvendësues, ndërsa nuk ka dhënë kontribute me gola apo asistime.
Për herë të fundit ai ka luajtur më 3 dhjetor në Kupën e Gjermanisë.
Ndonëse ka kontratë me Freiburgun deri në qershor të vitit 2028, futbollisti kosovar pritet të largohet në verë dhe qysh tash ai duhet ta kërkojë ekipin e ri, qoftë në Gjermani apo edhe në ndonjë kampionat tjetër në Evropë
