Projekti i përfolur prej kohësh “Deeper” tani po merr formë, me Tom Cruise dhe Ana de Armas që përgatiten të zhyten- fjalë për fjalë – në thellësi. Xhirimet e filmit, me regji nga Doug Liman, pritet të fillojnë në fund të kësaj vere. Do të jetë bashkëpunimi i tretë i Cruise me regjisorin pas filmave të suksesshëm “Edge of Tomorrow” dhe “American Made”.
Kasti ka filluar tashmë stërvitjen intensive për kërkesat nënujore të trillerit mbinatyror. Sipas komplotit, Cruise luan rolin e një ish-astronauti i cili, në një mision në një çarje të paeksploruar oqeanike, përballet me një forcë misterioze dhe të rrezikshme. Skenari, i shkruar fillimisht nga Max Landis në vitin 2016, ka marrë prekjet përfundimtare nga bashkëpunëtori veteran i Cruise, Christopher McQuarrie.
Një raport i kohëve të fundit nga Deadline raportoi se buxheti i filmit do të arrijë në 200 milionë dollarë. Përpara se të arrinte te Cruz dhe de Armas, projekti ishte lidhur me emra të tjerë të famshëm të Hollivudit, si Idris Elba, Bradley Cooper dhe Gal Gadot, ndërsa Cornel Mudruzzo u dëgjua si regjisor në vitin 2016 dhe Baltasar Kormákur në vitin 2019.
Sipas World of Reel, “Deeper” mund të jetë filmi i radhës i Cruise pas “Mission: Impossible – The Final Reckoning” dhe do të shfaqet premierë në vitin 2026, përpara filmit të shumëpritur të Alejandro González Iñárritu, një komedi pa titull, i cili është planifikuar të dalë në tetor të të njëjtit vit.
