Këngëtarja me origjinë shqiptare, Dua Lipa, ka shënuar një tjetër arritje historike në karrierën e saj, duke u bërë artistja e parë femër në historinë e platformës Spotify që ka dy albume me mbi 14 miliardë dëgjime në total.
Bëhet fjalë për albumin e saj debutues “Dua Lipa” dhe superalbumin “Future Nostalgia”, të cilët kanë kapërcyer këtë kufi të jashtëzakonshëm dëgjueshmërie, duke e vendosur artisten në një tjetër nivel global.
Lajmin e ka ndarë edhe vetë Dua përmes rrjeteve sociale, ku ka postuar një fotografi ikonike të saj të shoqëruar me katër zemra të kuqe, si shenjë mirënjohjeje për mbështetjen e vazhdueshme të fansave.
Ky sukses vetëm sa e forcon statusin e saj si një nga emrat më të mëdhenj dhe më me ndikim në skenën ndërkombëtare të muzikës.
