Melbourne City FC ka zyrtarizuar transferimin e sulmuesit të Kombëtares së Kosovës, Elbasan Rashani.
Pas një karriere të gjatë në futbollin evropian, 32-vjeçari ka zgjedhur të nisë aventurën e tij të parë jashtë kontinentit, duke iu bashkuar kampionëve të Australisë.
Klubi australian njoftoi se Rashani ka firmosur një kontratë njëvjeçare dhe do të jetë pjesë e skuadrës për sezonin e ardhshëm.
“Jemi të kënaqur të njoftojmë nënshkrimin e lojtarit të kombëtares kosovare Elbasan Rashani për sezonin e ardhshëm!”, thuhet në njoftimin e Melbourne City.
Me mbi një dekadë përvojë në futbollin evropian, Rashani ka luajtur në Norvegji, Francë, Turqi dhe Danimarkë, duke regjistruar mbi 300 paraqitje në nivel klubi.
Tashmë, ai do të përfaqësojë ngjyrat e Melbourne City, skuadër që synon të mbrojë titullin në Superligën australiane
