Menaxheri i Manchester United, Ruben Amorim, ka folur për planet e klubit për afatin kalimtar të janarit, pas një serie mungesash të rëndësishme në skuadër.
Kapiteni Bruno Fernandes u detyrua të largohej nga fusha në pjesën e parë gjatë humbjes 2-1 ndaj Aston Villa të dielën, pas një lëndimi në bicepsin e këmbës. Raportohet se Fernandes do të mungojë edhe në ndeshjen ndaj Neëcastle United më 26 dhjetor.
Përveç tij, Bryan Mbeumo, Amad Diallo dhe Noussair Mazraoui janë larg skuadrës për të marrë pjesë me kombëtaret e tyre në Kupën e Afrikës, duke lënë Manchester United në një situatë të vështirë.
Megjithatë, pas ndeshjes, Amorim theksoi se nuk ka ndërmend të bëjë blerje të nxituara gjatë janarit që po vjen.
“Do të shohim se çfarë do të bëjmë. Mendoj se Kobbie Mainoo është jashtë dhe Bruno është jashtë. Do të shohim. Do të gjejmë zgjidhje. Pa justifikime. Duhet të fitojmë ndeshjen e ardhshme, dhe do të përpiqemi ta bëjmë atë,” tha menaxheri portugez.
Deklaratat e Amorimit nënvizojnë besimin e tij te lojtarët e skuadrës aktuale dhe strategjinë për të mos ndërhyrë në afatin kalimtar vetëm për t’u përballur me mungesat e përkohshme
