Arjol Bllaca, përforcimi i parë për sezonin pranveror te Prishtina

Prishtina e ka bërë përforcimin e parë për sezonin pranveror. Ai është Arjol Bllaca dhe njoftimi ka ardhur nga vetë klubi i kryeqytetit. 

“Mesfushori 20-vjeçar Arjol Bllaca është përforcimi i parë i FC Prishtinës për sezonin pranveror, duke u transferuar nga KF Ramiz Sadiku, ku realizoi 10 gola dhe u dallua me paraqitje shumë të mira. Bllaca ka qenë pjesë e përfaqësueseve të Kosovës U15, U17, U19 dhe U20, ndërsa më parë ka qenë pjesë edhe e klubeve Ballkani dhe 2 Korriku. Ai pritet të jetë një shtesë e rëndësishme në repartin e mesfushës për pjesën pranverore të sezonit”, ka shkruar Prishtina.
“FC Prishtina i uron mirëseardhje Arjol Bllacës dhe shumë suksese me fanellën bardhekaltër”.