Real Madridi po planifikon të sjellë një mesfushor të ri për sezonin e ardhshëm, pas largimeve të shpejta të Toni Kroos dhe Luka Modric.
Megjithatë, klubi vazhdon të mbështetet te lojtarët aktualë si Aurelien Tchouaméni, Eduardo Camavinga dhe Fede Valverde.
Sipas gazetës “AS”, bordi madrilen po punon për të finalizuar një nënshkrim gjatë afatit kalimtar të verës që vjen, me qëllim të plotësojë një pozicion kyç në mesfushë. Ndërsa mundësia për të sjellë një lojtar të njohur si Vitinha nga Paris Saint-Germain nuk përjashtohet, Real Madridi po shqyrton edhe alternativa më të përballueshme.
Një nga opsionet kryesore është mesfushori holandez, Kees Smit. 19-vjeçari ka shfaqur një progres të madh këtë sezon dhe është bërë një nga mesfushorët më premtues dhe të besueshëm në skenën evropiane.
Smit ka kontratë me AZ Alkmaar deri në qershor 2028, ndërsa çmimi i tij llogaritet rreth 30 milionë euro.
Ky lëvizje e mundshme tregon synimin e Real Madridit për të kombinuar rinovimin me përvojën e lojtarëve të rinj në mesfushë, duke ruajtur konkurrencën dhe cilësinë në skuadër
