Trent Alexander-Arnold ka vlerësuar lartë mesfushorin e Real Madridit, Fede Valverde, pas paraqitjes së tij të jashtëzakonshme kundër Manchester City në Ligën e Kampionëve.
Uruguaiani shënoi tre gola në pjesën e parë të ndeshjes, duke realizuar kështu het-trik-un e parë në karrierën e tij dhe duke vendosur Realin në avantazh 3-0.
Valverde, që ishte kapiten i mbrëmjes, e befasoi ekipin e Pep Guardiolës, i cili tani duhet të kapërcejë këtë disavantazh në ndeshjen e kthimit në “Etihad”.
Alexander-Arnold nuk kursye komplimentet për shokun e tij të skuadrës.
“E kam lavdëruar disa javë më parë, por përsëri nuk gjej fjalë të mjaftueshme për të. Ai është futbollisti më i nënvlerësuar në botë dhe ka qenë për vite me radhë”, tha Arnold.
“Edhe para se të vija këtu, gjithmonë kam admiruar lojën e tij, sepse nuk ka asnjë dobësi në të”, theksoi anglezi.
Valverde duket se po konfirmon arritjen e tij si një nga mesfushorët më të kompletuar në Evropë, duke bindur edhe më skeptikët me paraqitjet e tij të fundit
